header image

HOME

This is the blog of Ian Rosales Casocot. Filipino writer. Sometime academic. Former backpacker. Twink bait. Hamster lover.

Interested in What I Create?



Bibliography

Sunday, May 30, 2021

entry arrow4:49 PM | Sayang Kaayo Uy



Gaguol ko nga gisapot ko nga wala ko kasabot nganong ang mga but-an sa atong politiko maoy mawala, human katong mga walay tarong ug pa-gimik ra sige mao nooy asenso kaayo—og buhi pa gyud, Enrile-style. Naay nisulti nako katong Domingo nga nikalit ra og nipanaw si Vice Mayor Alan Gel Cordova, paghuman nako’g yawyaw sa kasayang: “Ang daotan nga sagbot lisud mamatay.” Tinuod baya pud—pero unta dili. Asa ang hustisya sa kapalaran? Makasapot. Perteng sapota, maka-Binisaya na lang ko ahat para lalum ang kaladmon sa kaguol.

Wala’y tawo sa Dumaguete makatuo nga mawala ra kalit kanato ang atong Bise Mayor. Kung imo syang lantawon katong buhi pa sya, kusgan man sya, baskog—makita gihapon ang iyang pagka-sundalo sa iyang lihok og sa iyang panagway. Kabalo ko nga grabe sya mo ehersisyo—tig-boksing sya, tig-wrestle, tig-gym, tig-biseklita. Molantaw ka niya, og hayag pa gyud ang iyang kaugma-on.

Sa katuohan, nakita na nako siya sukad pa sa una nga posibleng mahimo sya nga umaabot nga mayor sa atong syudad. Daghang pa syang mahimo para kanato, makatarongan ang iyahang bisyon sa Dumaguete—interesado sa maayong pamalakad, mapahinunguron sa mando sa mga tawo, gadumot sa mga kinaraang pamaagi sa mga tradisyonal nga mga politiko. Usa sya ka “breath of fresh air” sa atong politika, mao nang independente sya, walay vested interests, lisud makorakot.

Kasayang kaayo.

Dili na nako mahinumduman kanus-a mi nagka-amigo ni Bise Mayor. Dugay na. Bag-ong konsehal pa sya ato, pero dili nako malimot ang iyang kamahigalaon—kanang mura’g dugay namong kaila bisa’g bag-o pa mo nagkita. Daghan na kong nadungog sa iyang maayong reputasyon pagka-konsehal. Sa tinuod pa, ang mga tawo dili man kaayo ilado nila ang mga konsehal, pero ilado kaayo si Alan.

Si Alan Gel S. Cordova usa ka abogado, propesor sa law, opisyal sa militar, army scout ranger, alagad sa publiko, ug nagsilbing Bise Mayor karon sa Dumaguete City. Natawo sya sa 12 Hunyo 1967 sa Dumaguete, og ni-eskwela sa St. Louis School, benepisaryo sya sa usa ka scholarship program, og ni-gradwar nga salutatorian sa elementarya og valedictorian sa hayskol. Nagpadayon sya og eskwela sa Philippine Military Academy [PMA] sa dili pa sya na-rekrut sa United States Military Academy sa West Point, New York. Didto sya ni-gradwar sa 1989, nakahuman og degree sa Economics. Nagpadayon sya og Law sa Silliman University, nahuman niya sa 2003, og nagsugod sya og pagka-abogado sa Dumaguete. Didto nagsugod ang iyang pangandoy nga makatabang sa mga tawo sa Dumaguete. Daklit syang ni-trabaho sa Bureau of Immigration, pero giamuma na niya ang iyang pangandoy nga maka-serbisyo sya sa syudad sa lain og mahagiton nga kapasidad. Shoestring budget ra ang iyang kaya, pero nilansar gihapon sya para mahimong konsehal sa 2007, usa ka independente nga kandidato—og nakadaog sya, naabot ang 8th nga puwesto gawas sa pulo. Napamatud-an dayon niya nga usa sya ka revolutionary force sa konseho.

Sa usa ka sinulat ni Siegfred Bueno Mison para sa Business Mirror katong 2018, mabasa nato ang binuhat ni Cordova: “As a new member of the city council in 2007, Alan worked long hours, engaged all the people in the city, and introduced game-changing ordinances. For instance, Alan turned representatives of POs NGOs, CSOs and other marginalized sectors as quasi-members of City Council standing committees. This simple yet unique innovation of allowing these sectors to debate on the floor, propose ordinances and author resolutions gives them an active voice in policy-making. The presence of these sectors theoretically made city ordinances more reasonable, more proactive, and genuinely responsive. In Alan’s words, their presence also 'provided accountability for councilors who otherwise are too lazy to think of solutions or even attend committee meetings.' The concept is so revolutionary that other local governments in the province are in fact introducing the same thing—sectoral representation although without voting rights.”

Tungod sa iyang maayong pamalakad, si Cordova nahimong ilado sa mga tawo, usa ka “man-of-the-people” ang iyang dungog sa masa, gidayeg sya sa iyang propesyonalismo, makinaugalingon nga huna-huna, ug tinuud nga pag-higugma para sa Dumaguete.

Padayong sulat ni Mison: “When asked what [was] his secret in winning elections despite the obvious lack of funds, he shared that there [was] no substitute for hard work. He did not take any short cuts for him to be known in the community. His passion to make things better [was] what [drove] him to serve... [He had] the charisma to be able to talk to all kinds of people. He [had] the boyish smile that [could] disarm the harshest critic. When he decided to run for public office, he wanted to be very different from the usual politicians who Alan consider[ed] as virtually indifferent to the plight of the ordinary Dumagueteño. Prior to entering government service, Alan felt that he and the ordinary mortals in his city were mere statistics in the eyes of the traditional politicians, something to be exploited come election time by way of dole-outs and political gimmicks. Alan neither belong[ed] to a powerful political family nor [did] he have vast financial resources to run a campaign using guns, goons, and gold. Alan simply worked hard.”

Sa 2010, nidalagan sya og pagka Bise Mayor. Nidaog sya sa edad nga 43, ang pinakabata nga napili sa eleksyon sa anang posisyon. Matud pa sa Negros Chronicle atong tuiga nga nakadaog sya: “Cordova [was] up against the old tradition of mediocre practices, like coming unprepared during sessions, deploying dilatory tactics if ordinances [were] against vested interests, appropriating money in a zippy if it concern[ed] their political supporters, absenteeism, tardiness, and downright ignorance of the basic law and rules. [He] was junked by political parties saying that 'he was not winnable,' thus like a lone ranger, he battled his way as an independent, thus proving that Dumagueteños do not care about political parties but the quality of the candidates.”

Sa 2013, naghandom sya nga mahimong Mayor, pero napildi. Kani nga kapakyasan wala nitarog niya. Nidalagan na pud sya para sa konseho sa 2016, og karon iyang nadakpan ang pinakataas nga puwesto, og gipadayon ra gihapon niya ang iyang kusgan nga kadasig para sa serbisyong pampubliko. Sa 2019, nidagan na pud sya pagka-Bise Mayor nga independente nga kandidato, og nidaog. Gipangutana sya sa MetroPost giunsa nya pag-balanse sa tanan niyang bulohaton og responsabilidad. Matud niya: “I try my best to be self-disciplined, and to persevere, especially when things get rough; the mind is much stronger than we give it credit for.”

Gikan sa nahaunang konsehal nga si Manuel Arbon: “In an unexpected turn of events, we suddenly lost Alan, our ever active Vice Mayor. I had known him as a fellow Louisian since my elementary days. I knew him even before he became an accomplished man and public servant, in his own right. I knew him even before politics. And though we may not have been always on the same side of local politics of late, Alan and I remained civil. I pray that we found a spot in our hearts to forgive each other for our respective differences. He will surely be missed by all those who admired him for who he was and for what he stood for. I will miss him, too.”

Gikan ni Konsehal Joe Kenneth Arbas: “To all of us who believe in a better Dumaguete, it’s very painful to lose Alan Cordova. I am proud to have served with him. In him I have realized that our hope for honest, sincere, and committed public service is not merely a dream. We all saw how he served us.”

Gasubo ang Dumaguete karon sa pagpanaw sa usa ka maayong tawo og sa usa ka bantogan nga alagad sa publiko.

Labels: , , ,


[0] This is Where You Bite the Sandwich




GO TO OLDER POSTS GO TO NEWER POSTS